Llinell gymorth gwahaniaethu Gwasanaeth Cynghori a Chymorth Cydraddoldeb

Os ydych chi wedi profi gwahaniaethu o dan Ddeddf Cydraddoldeb 2010, gallwch gael help gan linell gymorth y Gwasanaeth Cynghori a Chymorth Cydraddoldeb (EASS). Gwiriwch a ydych wedi profi gwahaniaethu o dan y Ddeddf Cydraddoldeb.

Gall Gwasanaeth Cynghori a Chymorth Cydraddoldeb eich helpu i ddelio â’ch problem heb orfod mynd i’r llys neu dribiwnlys. Gallant:

• esbonio beth mae'r gyfraith yn ei ddweud a sut mae hyn yn berthnasol i chi

• esbonio sut mae modd datrys sefyllfa

• eich cefnogi chi i geisio datrys materion yn anffurfiol - er enghraifft, efallai y gallant gysylltu â'r sefydliad a wahaniaethodd yn eich erbyn

• os nad oes modd datrys y materion yn anffurfiol, eich cyfeirio chi at wasanaeth cymodi neu gyfryngu  

• eich helpu i ganfod a allwch gael cymorth cyfreithiol os ydych am fynd i’r llys

• esbonio sut i gychwyn hawliad llys

Ni all Gwasanaeth Cynghori a Chymorth Cydraddoldeb roi cyngor cyfreithiol i chi. Os byddwch yn mynd i’r llys neu dribiwnlys, ni allant eich helpu gyda’ch achos ar ôl i chi ddechrau eich hawliad. Mae hyn yn golygu na allant:

• cynrychioli chi yn y llys

• dweud wrthych pa mor gryf yw eich achos

• dweud wrthych pa dystiolaeth sydd ei hangen arnoch

• rhoi cyngor i chi am brosesau llys neu dribiwnlys

Sut i gysylltu ag Gwasanaeth Cynghori a Chymorth Cydraddoldeb

Llinell Gymorth Gwasanaeth Cynghori ar Gydraddoldeb (EASS)

RHADBOST

Llinell Gymorth EASS

FPN6521

Rhif ffôn: 0808 800 0082

Ffôn testun: 0808 800 0084

Llun i Gwener, 9am i 7pm

Dydd Sadwrn, 10am i 2pm

Gallwch ddefnyddio'r ffurflen gyswllt ar wefan EASS

www.equalityadvisoryservice.com

Mae'r gwasanaeth ar gael yn y Gymraeg (o ddydd Llun i ddydd Gwener) a gallwch ddefnyddio'r Llinell Iaith i gael cyngor mewn ieithoedd eraill ac yn y Gymraeg ar benwythnosau. Er mwyn defnyddio'r gwasanaeth yn y Gymraeg, ffoniwch rif y llinell gymorth a dewiswch yr opsiwn ar gyfer cynghorydd sy'n siarad Cymraeg.

Darganfod sut i gael help EASS yn Iaith Arwyddion Prydain (BSL).

Weithiau gall y gwasanaeth drefnu cymorth ychwanegol fel bod pobl ag anableddau dysgu neu broblemau iechyd meddwl yn gallu defnyddio’r llinell gymorth a deall y cyngor. Os oes angen help ychwanegol arnoch, gofynnwch i gynghorydd EASS.